Nuk kanë fund problemet për Nasrin

16:22 | 2 Gusht 2018
Arbresh.info

Nuk kanë fund problemet për Samir Nasri, aktualisht lojtar i lirë pasi e ka ndërprerë kontratën me turqit e Antalyaspor më 31 janar.

Në shkurt, futbollisti francez u pezullua për doping dhe, me sa duket, nuk sheh dritë në fund të tunelit.

UEFA e ka zgjatur nga gjashtë deri në tetëmbëdhjetë muaj dënimin e shqiptuar për ish-mesfushorin e Manchester City, për shkak të një “autotransfusioni” me qëllim terapeutik, veprim që nuk lejohet nga Agjencia Botërore Anti-Doping (WADA).

I vetmi lajm i mirë është se Nasri do të skualifikohet në mënyrë retroaktive, duke filluar nga data 1 korrik 2017 e jo nga shkurti, kur ai arriti në gjykimin e parë. Kjo do ta lejojë atë për t’u kthyer që të luajë në janarin e ardhshëm, të vitit 2019.

Ai do të jetë në gjendje të stërvitet nga 1 nëntori, duke pritur për një ekip, që vendos ta bartë në radhët e veta, pavarësisht nga problemet e shumta që e kanë shoqëruar karrierën e tij.

Diçka mund të thuhet me siguri: nuk ka dyshime për talentin e tij.

Shpërndaje në rrjete sociale

Lajmet më të lexuara

Të ngjashme

Foto lajm